سكريبت بقلم هاجر نور الدين

مزيفة
_معلش أصلها متوترة قومي يا ألاء سلمي على الضيوف.
بصيتله بتعب وكان بيبصلي بتحذير قومت من مكاني عشان جسمي مش حمل ضړب تاني وبصيت لاقيت واحدة ست كبيرة في السن شوية وبتبتسملي بحنان سلمت عليها وبصيت الناحية التانية لقيت كريم!!
بصيتله بإستغراب ولسة هتكلم ولكن هو غمزلي بعينيه إني أسكت قعدت مكاني وسمعاهم وهما بيتتفقوا على كل حاجة وكريم أصر إن فترة الخطوبة تبقى شهرين بس!!
بصيتله بإستغراب وبابا إعترض وقال
_بس هي لسة حاجتها مش جاهزة?
إتكلم كريم وقال
عادي ياعمي الشقة بتاعتي جاهزة من كله ناقصها بس ألاء.
ضحك بابا وقال
_خلاص لو كدا على بركة الله.
بصيت ل بابا بإستغراب للدرجة دي بايعني وماهيصدقوا يخلصوا مني هيرموني ل واحد ميعرفهوش!
عدا الشهرين بسرعة ومخالوش من كلام بابا وماما اللي يقطع القلب وينزع الروح وبرضوا مخالوش من محاولات كريم معايا إني أضحك وإنه يفرحني.
بعد الفرح طلعت أنا وكريم البيت بصيتله وشوفت قد إي هو فرحان وبيبتسملي إتكلمت وقولت
_كريم إنت إتجوزتني ليه?
بصلي بإستغراب وقال بإبتسامة
إي السؤال الغريب دا يمكن عشان بحبك مثلا!
_إي اللي خلاك تحبني.
إتنهد وقال
من غير أسباب لوحدي كدا حبيتك هو إحنا مش هنحط معايير وعلى اساسها هنحب أنا حبيتك لإن قلبي دقلك والقلب مش بيستأذن عشان يحب.
بصتله وسرحت شوية وبعدين قولت
_هكدب عليك لو قولت إني بحبك نفس الحب اللي بتحبهولي بس أنا غير مؤهلة إني أحب حد.
بصلي بإبتسامة وبعدين باس راسي وقال
وأنا مش مستعجل عشان تحبيني زي ما بحبك.
بصتله وإكتفيت بإبتسامة إمتنان.
عدا سنتين وبقيت حامل الموضوع مخيف جدا بالنسبالي من إني أقصر في المشاعر اللي اديها للطفل لكن كل مابشوف كريم بتأكد إنه هيبقى أحسن أب وبتطمن وأنا بقيت أحسن بكتير عن الأول بفضل متابعتي مع الدكتورة النفسية اللي بروحلها كل إسبوع أنا وكريم وبفضل كريم في المرتبة الأولى قد إي هي حاجة جميلة إن يحبك حد ويحاول عشانك قد إي حلو إن حد يحسسك إنك مهم وإن وجودك في الدنيا مش غلطة وإنه فارق كان نفسي يبقى نصيبي الحلو في الدنيا يكون في أهلي ويشوفوني ك بنتهم حتة منهم ويغمروني بالمشاعر والحنية بس إتعوض في كريم ودا كان أجمل عوض.
هاجر_نورالدين