سكريبت بقلم هاجر نور الدين

سكريبت بقلم هاجر نور الدين

_إنتي واحدة متربتيش وإحنا هنعيد ربايتك تاني.
دموعي كانت محپوسة في عيوني وأنا ببصله في حزن يكاد يفتك بقلبي الكلام دا كان من بابا اللي المفروض يبقى سندي ولكن هو سند مع آي حد إلا بنته بص للبنت اللي قدامه وكمل وقال بأسف
_حقك عليا أنا يابنتي أنا هعرف أربيها من أول وجديد واللي هي عملته دا هتاخد عقابه مني.
بصتله پصدمة ورديت وأنا ببص ل أسماء زميلتي في الكلية اللي قالت عني كلام مش فيا من شوية ل بابا بمجرد إن اللي هي بتحبه حبني أنا بصيتلها ب كره وقولت

إنتي واحدة كدابة وأنا مش هسامحك على اللي قولتيه.
كانت لسة هترد عليا بس لاقيت قلم نزل جامد على خدي لدرجة إني وقعت في الأرض كنت ماسكة خدي بإيدي وأنا مبرقة للأرض پصدمة ودموعي نزلت ڠصب عني بصيت ل بابا وأنا بعيط ومش مصدقة رد عليها وقال
_حقك عليا أنا هربيها من أول وجديد البجحة دي.
عملت نفسها مظلومة وعرفت تتقن الحزن والغلب على ملامحها وقالت
صدقني ياعمو مكنتش عايزة أسبب مشاكل بس هي كانت بتبص ل خطيبي بنظرات مش مريحة وزي ماقولتلك أخر مرة راحت تكلمه وهو قالي.
_عندي أنا دي يابنتي.
بصتلي بغل وإنتصار كان باين في عينيها وقالت
طيب عن إذنكم بقى عشان متأخرش.
مشيت من البيت وبابا قفل الباب ڠصب عني إبتسمت بسخرية وأنا في الأرض ما هو دا بابا بيبقى حنين مع كل الناس إلا بنته كل الناس بتشوفه ملاك وأنا اللي بتبلى عليه دا صدق واحدة ميعرفهاش أصلا ولا عمره شافها لما قالت كلام وحش عن بنته وترتبيته اللي هي أنا مسكني من دراعي وقومني پعنف وزعق في وشي وقال
_إنتي شكلك وحشتك العلقة بتاعت كل إسبوع صح?
خلص كلامه ودخلت ماما من باب الشقة وقالت بعصبية
في إي ياحسن بس صوتك واصل لأخر الشارع في إي يامقصوفة الرقبة إنتي عملتي إي تاني?
إتكلم بابا بعصبية مماثلة وقال
_بنتك اللي متربتش رايحة تكلم واحد خاطب وخطيبته جات لحد هنا وإشتكت هتفضحنا على أخر الزمن.
بصيتلهم وإتكلمت بعصبية وأنا بعيط
_إنت مسألتنيش حتى عن اللي حصل إنت مجرد واحدة من الشارع جات قالتلك كلام وحش عن بنتك اللي إنت اللي مربيها وصدقتها وخليت شكلي وحش قدامها إنت حتى مفكرتش تبص على إيديها وتشوفها هي فعلا مخطوبة ولا بتكدب لكن إزاي لازم توضح إنك فعلا أب كويس وشخص عادل حتى لو على حساب بنتك عمرك ما فكرت فيا حتى إنتي يا أمي اللي المفروض تبقي أحن من آي حد عليا عمري ماجربت حنانك دا عمري ماشوفتك جنبي والأكيد إنك هتصدقي الكلام اللي إتقال برضوا لإنكم مش أهلي بجد.
خلصت كلامي ونزل على وشي قلم تاني كان فاض بيا مكنتش قادرة أكتم أكتر من كدا وبرضوا