رواية ابني حبيبي كاملة بقلم إيمان شلبي
مي بشفقه:
– ليه هو ايه اللي حصل
اتنهدت بحزن:
– حصل اللي حصل بقي بقولك ايه انا ماشيه
– ماشيه لوحدك!!
– مانا جيت لوحدي
– لا طبعا استني كامل اخويا جاي في الطريق هيوصلك ويوصلني
– معلش يامي لو سمحتي سيبني انا حابه اروح لوحدي
مي بأصرار:
– أبدًا مش هيحصل
اتعصبت وزع*قت فيها وانا بعيط:
– خلاص يامي ارجوكي متضغطيش عليا
– خلاص خلاص متعيطيش حاضر هسيبك بس اوعديني انك تخلي بالك من نفسك
هزيت راسي بابتسامه شاحبه وانا ببعد عنها:
– حاضر
مشيت من قدام القاعه وانا كاتمه دموعي بالعافيه،نفسي اقف في مكان مفهوش حد واعيط واص*رخ بكل قوتي،نفسي اعترفله أن هو مازال في قلبي وفي عقلي،نفسي اقوله ارجع انا محبتش ولا هحب غيرك،نفسي اشوفه ولو حتي صدفه !
ايه ده ؟!
انا ايه اللي جابني هنا ده مكان مهجور للدرجادي سرحت
صوت الكلاب بدأت تنبح،الهواء بدأ يزيد
جسمي اترعش برع*ب حقيقي،قلبي دقاته بتزيد مع كل ثانيه كنت حاسه اني واقفه في متاهه مكان مهجور مفيش بني ام واحد
الكلاب صوتها بعيد لكن مرع*ب،صوت الشخص اللي بيتوجع قريب جدا لكن معرفش مكانه فين !
وفجأه عيوني شافته وياريتها ما شافته ابدا
وقف الزمن في اللحظه ديه،وقفت حواسي،وقف عقلي،مكانش في صوت غير صوت قلبي اللي دقاته هتوصل للسما من الخوف والصدم#مه والارتياب !
قربت منه بخطوات بطيئه وانا ركبي بتخبط في بعض بحاول اكذب عيوني يمكن حد تاني شبهه
وقفت قدامه كان قاعد علي الارض وماسك بطنه وساند ظهره علي حيطه ومغمض عينه
قعدت علي ركبتي قدامه وانا بترعش
برقت عيوني بصدم#مه لما اتأكدت أن هو اللي قدامي مش شخص تاني
بلعت ريقي وانا بهمس برعب:
– ز زين
فتح عيونه بتعب واول ما شافني ابتسم ابتسامه شاحبه وهو بيهمس:
– حور
