رواية ابني حبيبي كاملة بقلم إيمان شلبي
انت في الصفحة 1 من 16 صفحات
رواية ابني حبيبي كاملة بقلم إيمان شلبي
هنفرح بيكي أمتي ياحبببتي
بلعت اخر لقمه جاتوه في بوقي وانا برد بسخافه:
– ان شاء الله يوم التلات بعد صلاه الجمعه ياطنط عقبالك
قولتها وانا ببتسم ابتسامه صفراء لطنط حشاريه اللي في كل فرح تقولي الجملتين الحمضانين دول
حسيتها هتفرقع لما رديت عليها،وشها بقي احمر من كتر الإحراج،الناس اللي علي الطربيزه كلهم ماسكين نفسهم بالعافيه عشان مين*فجروش في الضحك
– مش كان زمانك دلوقتي متجوزه الواد ميدو ابن اختي ولا الواد حمبوزه ابن ابن خاله امي بس نقول أي بقي التبطر علي النعمه مش حلو برضو ياحبيبتي
ضغطت علي ايدي بغيظ وجزيت علي اسناني وانا برد بكل هدوء اعصاب:
– ميدو وحمبوزه اللي حضرتك بتتكلمي عليهم دول مش عرسان ياطنط دول اخرهم شويه عيال بيلعبوا علي القهوه
– وبعدين في حد يسمي ابنه حمبوزه في الزمن ده مش شايفه أنه اسم توتو؟!
ولا ليه هو اصلا صاحب الاسم توتو حصل خير
– علي فكره عيب كده انا قد امك
– طنط عيب متقوليش كده قد امي اي بس انتي قد جدتي
بصتلي بح*قد وقرف:
– اهو طوله لسانك دي هي اللي مش مخليه حد يعبرك لحد دلوقتي اللي قد متجوزين وعندهم تلات عيال بلا نيله
– طنط القطط في الشارع بتخلف وبتجيب عيال عادي يعني مش إنجاز
ضحكت بسخرية:
– هه وانتي فاكره أن الشهاده والتعليم والشغل بتوعك هما اللي إنجاز كده كده الشهادات بتتعلق علي الحيطه
– ده حضرتك اللي علقتي شهادتك علي الحيطه مش انا
كنت همشي من المكان قبل ما أمسك طنط افشفش دماغها بس وقفت مره واحده وانا بخرج دعوه من شنطتي
مشيت وسحبت ورايا ” مي” صحبتي اللي اول ما بعدنا انف*جرت من الضحك
– يخربيتك انتي علي طول كده لسانك طويل الست كانت ه*تولع من كتر الإحراج
رديت بغيظ وعصبيه:
– ياستي فكك منها دي ست كبيره
رديت بدموع:
يعني مش مكفيها انها وقفت جوازتي الاولي
مي بذهول:
– بتهزري؟؟
عيوني اتملت بالدموع وانا برد بصوت مبحوح:
– الشخص الوحيد اللي حبيته هي كانت السبب في أنه يبعد عني
