سكريبت " غريب لكن رحيم " بقلم سلمى بسيوني
سمعت صوته كأنه مبتسم
_طب يلا عشان الفطار ميبردش
متربي ٣ مرات والله
وصلت وبدأنا أكل سوا ولا أكني فاطرة مع بابا
_سلمتي البحث بتاعك ولا لسة
_أيوا سلمته يدوبك من أسبوع قبل ما التقديم يقفل
_طب كويس أنك لحقتي، أنتِ تعبتي فيه جدًا ياريت ياخد حقه
_نفسي ياخد حقه فعلا، الأرواح المسكينة دي لازم تتعالج، المرض دا بيعاني منه حيوانات كتير كل يوم، ومحدش لاقيله علاج
_إن شاء الله ياخد حقه، أنا واثق فيكِ
أخدت قطمة كمان من الساندوتش ولسه هرد عليه لقيته سايب أكله وباصصلي.
اتخنقت والأكل وقف في حلقي وبدأت أكح، اتخض، واتحرك من مكانه بسرعة بطريقة عشوائية مش عارف يعمل اي
_طب أجيب مياة طيب؟
قلت بصوت عالي:
_مياة أي يا غبي هم@وت يخربيتك
فضلت أكح لغاية ما هديت خالص وزعقت فيه مرة واحدة بمشاغبة:
_متبصليش وأنا باكل أنا الله !!!
مبحبش حد يبصلي وأنا باكل !!
_أنتِ كنتِ لسة بتموتي حالا، أتعظي للحظة لله.
نفخ وحط الأكل قدامي تاني
_خلصي أكل يلا ورانا مشوار في الجامعة
_ورانا مين؟ أنا موراييش مشاوير في حتة
_لا ورانا، هكمل ورق الماستر بتاعي
_اللهم طولك يا روح
في نفس اللحظة تليفوناتنا رنت بتعلن وصول رسالة
فتحته لقيته email من مؤتمر طبي من نفس الجهة إلي قدمتلها البحث
_أتبعتلك الـ email ؟ هتروحي؟
_أيوا هروح إن شاء الله
ابتسمت وأنا بكمل كلامي وببص للفراغ:
_مع بابا
حسيت الدنيا رجعت تنور في وشي تاني بعد وفاة جدي.
أصل البنت محتاجة أي غير أب حنين، طيب وضهر وقت الشدة صلب يسندها، وحلم بتجري عمرها وراه، وخلاص قربت تحققه، وراجل شهم وطيب،
تقع في غرامه !!
كملنا أكل في وسط كلامنا المستمر وضحكنا على مواضيع عشوائية
