رواية فيلا نوال بقلم كوكي سامح كاملة من الفصل الأول إلى الفصل الأخير
الام قامت من النوم واكتشفت هروب بنتها ونزلت جرى فى الشوراع زى المجنونه تتدور على بنتها وراحت قسم الشرطه تبلغ بس عرفت ان المحضر الرسمى بيكون بعد 48 ساعه وخدت بعضها وراحت محل البيتزا تتدور عليها بس عرفت انها مرحتش ولما سألت مها أنكرت وقالت إنها مشافتش عنان من ساعه ما روحت ولا حتى كلمتها والام مشيت وهى منهاره على بنتها الوحيده ومن يوم غياب واحد بس الام حالها اتبدل وحلفت انها هتقعد قدام قسم الشرطه يومين لحد ما تعمل المحضر ان بنتها هربت من البيت وعاوزه الشرطه تساعدها
.. صباح الخير يا حبيبتى
.. انت خارج بدرى كده من غير ما تفطر
.. اه عندى محكمه النهارده ادعيلى عندى قضيه مهمه
.. بت شغاله قتلت أصحاب البيت هى وعشيقها وسرقوهم
.. بنت الكلب دى عاوزه إعدام حسبى الله ونعم الوكيل
.. بجد يا جلال انا مش عارفه ايه الناس دى وحشه كده ليه مع ان دى أرزاق
.. لا حول ولا قوة الا بالله الولد بقى يتيم طيب والولد وضعه ايه يا جلال
.. حبيبى بجد لو مالوش اهل هاته هنا يتربى مع ولادنا صدقنى ده أكبر ثواب وقرب منها وحضنها وقال عارفه انا بحبك علشان طيبه قلبك بجد ربنا ميحرمنيش منك
.. استاذ جلال
.. انتى واقفه كده ليه الجو برد وانتى تعبانه قربت منه وقالت انا اللى تاعبنى حاجه تانيه خالص رد وقالها خير اجبلك دكتور رددت وقالت قلبى وجعنى
.. انتى عندك كام سنه يا عنان
.. عندى 22 سنه
.. ههههههه لسه عيله
.. عيله ايه دى ماما بتقولى انتى جسمك فاير ويدى اكتر من كده كمان
.. مش مامتك ميته
.. اه انا قصدى قبل ما تموت
.. ادخلى والبيت هنا فى طباخ وسواق وكذا حد وانا فياريت القميص ده يكون فى اوضه نومك وبس وسابها ومشى وضربت بإيدها على المرايا واتعورت وقالت جلال ده صعب وقالت فى سرها بس برضه انا مليش يوم هنا وكله بالراحه مش مره واحده
.. مالك يا عنان ايه اللى عورك كده
.. مفيش يا هانم انا ايدى اتخبطت فى المرايا
.. فى ايه بس يا بنتى انتى شكلك محسوده
.. محسوده على فقرى 😂 شكلك بتتريقى عليه يا نوال هانم
.. اى بنى آدم مننا معرض للحسد وربنا اللى قال كده ومحددش غنى وفقير
.. اه هتقولى حكم بقى
.. بتقولى حاجه يا عنان
.. لأ بقول لحضرتك فين الولاد
نوال قعدت وقالت
.. انا عندى أسر وعنده 4 سنين وشقى جدا وهيا عندها سنتين لسه صغيره بس آسر هو المتعب وفى حاجه تانيه انا حامل فى التالت وان شاء الله بعد 6 شهور هينورنا بيبى جديد شيدى حيلك معايا بقى
.. ولد ولا بنت مع انى عارفه انها مش فارقه حضرتك معاكى الولد والبنت سؤال غبى صحيح
.. كل اللى ربنا يجيبه كويس فى ناس تتمنى نقوم احنا بقى نتشرط على ربنا ونقولوا ولد ولا بنت
.. عندك حق يا نوال هانم فى ناس ربنا مكرمهاش
.. حرام الكلمه دى يا حبيبتى ربنا كرمه واسع ويعنى ايه مكرمهاش الكلمه دى وحشه بجد ربنا بيكرم كل عباده ومبينساش حد ابدا
.. المهم يا هانم انا عاوزه اشوف الولاد
.. طيب افطرى الأول وهما فى الجنينه مع الشغاله
.. يا نهار اسود يا هانم
.. فى ايه يا عنان!
.. الجو برد عليهم!
.. لا الشمس حلوه النهارده قولت بقى جسمهم يستفاد منها
عنان قالت فى سرها هى مالها عامله فيها مربيه أجيال وكأن مفيش غيرها اللى ولد وخلف وشال عيال وعارف ربنا باين كده عامله فيها ست الشيخه
