أحسن متبرعة شوفتها
حااااجة حلوة اااوي
من فتره وانا معايا متبرعه مختلفه تماماا عن اي متبرع او متبرعه قابلتهم
دايما كانت تبعت لي زكاة مالها ف اظرف مغلقه وتطلب مني ما افتحهاش واعطيها للناس ف ايديها وكل مره اسمع منها نفس الجمله سامحيني بس انا عايزه اخد ثواب ان يدك اليمنى لاتعرف ما انفقت اليسرى
نزلت بوست طلبت ملابس لطالبة علم وكانت هي من المستجيبين للامر بعتت لي حقيبتين سفر فيهم ملا واحذيه بس برده كعادتها طلبت مني ما افتحش اقلب فيهم
استجبت لرغبتها وبرده مافتحتش
اول يوم لقيت مكالمه من البنت اللبس حلو قووي ربنا يكرمكوا وكانت اول مفاجأه ان اللبس كله جديد وبراندات من خارج مصر اصلاا وبرفان وميكب والبنت طاايره من الفرحه
رجعت للمتبرعه قالت لي لا هي بنت ف كليه مش عايزاها تحس انها اقل منهم او موبايلها قديم
يعد يومين او اكثر مكالمة فون من البنت بتبلغني انها لقت شيء غريب فالملابس خيير لقيت فلوس ف الملابس
ممكن تكون المتبرعه نسيتها طيب هبلغها حاضر بس مش انتي قلت الملابس جديده؟؟ اه جديده بس لقيت فلوس ف جيب البنطلون وف الشنطه كمان
انشغلت ونسيت اكلم المتبرعه كام يوم كمان لقيت الام بتكلمني الملابس كلها فلوس والشنط كل شنطه ف جيبها فلوس الفلوس دي هما ناسيينها انا جمعت الفلوس كلها وشلتها حضرتك عدي خديها
هنا لازم اكلم المتبرعه وحكيت لها اللي حصل قالت لي انا كنت حاطه لها ف كل طقم فلوس ومع كل شنطه فلوس عشان لما تنزل كليتها يكون وياها مصروف تفرح بيه ووزعتهم على قد ما اقدر بالتساوي عشان افرحها بيهم لانها اكييد مش بتنزل بمصروف
في متبرعين كده بحسهم مش من اهل الارض والله
#منقول
ارتقوا لمنزلة الاحسان
