انا عايزكوا تدعوا لأولادي
انا عايزكوا تدعوا لأولادي
سلام عليكم ...انا متجوز من 3 سنين من ساعه ما اتجوزت وانا الحمد الله في ابتلاءات حصل اجهاض اكتر من مره وبعدين الحمد الله جبت ولد كنت بدعي كتير أنه ييجي سليم معافي بس الحمد الله جه تعبان وعنده ضعف عضلات ومتأخر في حاجات كتير الحمد الله شغال معاه ادويه وعلاج طبيعي ومن ساعه ماخلفت وطبعا مفيش اي استقرار في حياتي طبعا قعدنا فتره كبيره جدا عند حمايا لأن الولد تعبان ومحتاج تمارين تتعمله 5 مرات في اليوم وهي مكنتش هتعرف لوحدها فكان لازم تفضل قاعده عندهم وانا طبعا كنت قاعد معاهم لأن مينفعش تسبب ابني ...اتخنقت ومضغوط نفسيا لاني مش عارف اعيش حياه طبيعيه في أي بيت لوحدي مع مراتي ....المهم بعديها بكام شهر حصل حمل تاني رغم كنا عاملين احتياطتنا بس حصل حمل كنت مړعوپ جدا وخائڤ وكنت بدعي ربنا أنه يبقي سليم وكان عندي يقين جدا أن ربنا هيجبر بخاطري وهيعوضني لحد لما الميه ماقلت واضطرينا نولدها بدري في أول التامن والجنين جه برضه دخل حضان وأما روحنا للدكتور قال إنه هيبقي زي اخوه او افضل منه شويه طبعا كميه ضغط نفسي زهقان جدا...الحمد الله انا راضي والله ...وطبعا برضه فضلنا قاعدين عند حمايا وانا والدي والدتي متوفيين...لحد ما نقلت شغلي ف محافظه تانيه جالي بمرتب احسن لان المصاريف عليا كتير وكمان شغل مراتي كان في المحافظه التانيه دي
وطبعا عشان مفيش إمكانيات تسمح هما كان عندهم شقه فيها اخوها روحنا قعدنا هناك وانا برضه ع أخري وزهقان جدا من عدم الاستقرار...ولا عارف اخد راحتي وحاسس اني في اكتئاب وديما علطول عصبي ومش طايق نفسي وفي خناقات كتير بيني وبينها ..وبرضه مفيش إمكانيات اخد شقه لوحدي أو اجر شقه لأن المصاريف كتير عليا ..ولو بعت شقتي برضه مش هتجيبلي حاجه في المحافظه التانيه دي
اولا بعد اذنكوا انا عايزكوا تدعوا لأولادي ربنا يشفيهم ويعافيهم دي اهم حاجه
تاني حاجه انا حبيت بس اطلع اللي جوايا
واسف ع الازعاج
