اقف جمب أخويا ولا أعمل إيه

اقف جمب أخويا ولا أعمل إيه

مشكلة من الرسايل

بعد مoت الاب أخويا ظلمني وقهرني وجه عليا في كل حاجه لصالحه هو وبس حاولت معاه بكل الطرق ان علاقتنا متتقطعش علشان ابويا يرتاح في قبره لكنه قفل كل

الأبواب في وشي ورغم أنه اكل حقي في ميراث ابويا وخلاني اتحوج لكل اللي حوليا محاولتش أاذيه حتي لو كان بإيدي اذيته وإكتفيت بقول حسبي الله ونعم الوكيل

وفوضت امري لربنا في سبيل مجرحش في سيره ابويا بين الناس انهارده علمت انه في شده وسين من الناس كلموني قالولي اقف جنبه واكون سنده في شدته مكدبش علي الله

انا زعلت عشانه وقلبي وجعني عليه لكن وجعني اكتر علي نفسي لما رماني وحيد ما يعلم بحالي وقتها الا الله وحده رغم اني استحلفته ميبعدش عني ويخليه جنبي يعوضني فراق ابويا ويكون لي السند والضهر بعده

قلبي مش قادر يسامحه ولا يغفر اللي عمله فيا وعارف ان وجوده في حياتي مره تانيه معناه دمار حياتي وبيتي

وزوجتي لانه بيحب يكون هو المسيطر في كل حاجه وانا مصدقت ان بيتي يستقر والأحوال بيني وبين زوجتي

وأولادي تتحسن وخصوصا ان ماليش حد غيرهم دلوقتي بس وجع الضمير وخوفي ان الدنيا مش دايمه لحد واجع قلبي وخايف أندم بعد فوات الاوان ومتاكد ان مجرد ما

مشكلته تنحل هيرميني تاني وتالت ورابع لانه مش بيحب غير نفسه ومصلحته اولا واخيرا والمواقف السابقه تشهدله بكده قولولي اقف جنبه ولا ابعد عنه

أدعية مستجابة لجلب الرزق 👇👇👇

(اللهُمّ إني أعوذُ بكَ منَ الهمِّ والحزَنِ، وأعوذُ بكَ منَ العجزِ والكسلِ، وأعوذُ بكَ منَ الجُبنِ والبخلِ، وأعوذُ بكَ مِن غلبةِ الدَّينِ وقهرِ الرجالِ).

(اللَّهُمَّ إنِّي أعُوذُ بكَ مِنَ الكَسَلِ والهَرَمِ، والمَأْثَمِ والمَغْرَمِ، ومِنْ فِتْنَةِ القَبْرِ، وعَذابِ القَبْرِ، ومِنْ فِتْنَةِ النَّارِ وعَذابِ النَّارِ، ومِنْ شَرِّ فِتْنَةِ الغِنَى، وأَعُوذُ بكَ مِن فِتْنَةِ الفَقْرِ، وأَعُوذُ بكَ مِن فِتْنَةِ المَسِيحِ الدَّجَّالِ، اللَّهُمَّ اغْسِلْ عَنِّي خَطايايَ بماءِ الثَّلْجِ والبَرَدِ، ونَقِّ قَلْبِي مِنَ الخَطايا كما نَقَّيْتَ الثَّوْبَ الأبْيَضَ مِنَ الدَّنَسِ، وباعِدْ بَيْنِي وبيْنَ خَطايايَ كما باعَدْتَ بيْنَ المَشْرِقِ والمَغْرِبِ).