سكريبت " خد@اع وعشق " كامل بقلم سولييه نصار

قالها بصوت مكسو.ر وبعدين خرج من البيت...

قعدت علي الانترية بتعب وانا حاسة ان حبه بدأ يتسرب من قلبي...أمير نزل اووي من نظري وبكده بدأ يسقط من قلبي كمان...وانا هحاول عشان أقضي علي أي حب ليه في قلبي...

......

فضل امير يمشي في الشوارع من غير هدف...حاسس بأ.لم كبير في قلبه..هو ضعيف من غيرها...هو ضعيف من غير لانا...من غير ابنه وضايع من غير دفا الأسرة اللي كان عايش فيه بسببهم...هو ضـ.يع كل حاجة بسبب نزوة...نزوة خلته خـ.سر.مراته...هو كان فاكر انه بيحب نورهان لكن مشاعره ليها طلعت وهم...سراب لما خسر لانا عرف انه محبش غيرها لانها حياته...هي وابنه الجزء الاجمل في حياته...ازاي د.مر بيته بإيده بالشكل ده...ازاي خـ.سر ست مثالية زي لانا كانت الزوجة الامثل ليه واللي كانت بتسمع كلامه في أي حاجة ومريحاه...ازاي ده حصل...

وقف فجأة لما لقي نفسه قدام بيت ابوها اللي عايشة فيه معاه...جسمه.اترعش يا تري هترضي تسمعه...هترضي ترجعله او تديله فرصة...كان خايف..خايف لتطر.ده للأبد !!!

راح ناحية بيتها وجسمه كله بيترعش...

.......

اتجمدت لانا لما سمعت صوت أمير لما باباها فتح الباب..

بسرعة دخلت لاوضتها وقفلت علي نفسها وهي سامعة مراد بيتكلم مع ابوه وفرحان انه جه وعايز يمشي معاه...غمضت عينيها ودموعها بتنزل...وحطت ايديها علي قلبها اللي بيدق بس ليه...

...

كان قاعد امير قدام حماه وهو حاطط عينيه في الأرض كل اللي بيعمله عنه بيحضن ابنه...

رفع عيونه براحة وبدأ يدور علي طيفها بس مكانتش موجودة...

-دخلت اوضتها وقفلت علي نفسها...

قالها حماه فبصله أمير بخجل وقال:

-انا عايز اشوفها يا حمايا...

اتنهد حماه وقال:

-شوف يا بني انا معرفش ايه اللي حصل بينكم بالضبط ولانا مش راضية تتكلم بس من عيون بنتي أنا شايف انك كـ.سرتها !!

بلع امير ريقه وبص في الأرض بخجل وقال:

-انا جر.حتها يا عمي واستاهل العقا.ب إلا انها تسيبني...خليني اتكلم معاها ولو لمرة واحدة بس...ابوس ايديك يا عمي خليها تديني فرصة ! فرصة واحدة بس !!

....

بعد عشر دقايق...

كانت لانا قاعدة في اوضة الضيوف باصة علي الأرض ودموعها بتنزل...قرب أمير منها وركع علي الأرض ومسك ايديها وقال:

-سامحيني يا لانا سامحيني...

غمضت عينيها ودموعها بتنزل فمسح أمير دموعها وقال:

-لانا متعيطيش أنا والله مستاهلش...قولي اللي عايزاه وانا اعمله...أنا مستعد اتحمل اي عقا.ب !!