سكريبت جديد من سكريبتات " حواديت ياسين وسدرة " بعنوان " أظافرك يا آنسة " بقلم ندى الحداد
- سبوحٍ قدوس رب الملائكةِ والروح ده تسبيح الملائكه.
- حسيت عيوني دمعوا: الله الله الله حلو أوي.
- كل الأذكار دي معاكي دايمًا وفـ أى وقت تقوليهم عادي جدًا بالعدد اللي انتي حباه وزي ماتحبي قولي وكله بيتحط فـ ميزان حسناتك وخير ليكي.
- يعني مش اقولهم بمرات.
- لأى عدد قولي كتيرر.
- سقفت بعفوية وسعادة: ماشي هقول، ربنا جميل أوي.
- في الأجمل كمان.
- انتبهت له: أجمل من كده كمان.
- ابتسم وغمض عيونه وهز راسه وقال: ايوة ركزي، لا إله إلاّ الله وحده لا شريك له له الملك وله الحمد يُحيي ويُميت وهو على كل شيءٍ قدير وإليه المصير ولا حول ولا قوة إلا بالله العلي العظيم، مَنْ قالها عشر مَرات صباحًا ومساءً أعتق رقبه من الرقيق، ومَنْ قالها مئه تعدل رقبة ولد من أبناء سيدنا إسماعيل عليه السلام، يعني تزن ولد من أبناء إسماعيل، شوفي وزنه وقيمته وقدره عند الله سبحانه عز وجل.
كُنت قاعده بعيط من عظمة وشأن الله، هو في جمال أكتر من كده أو حاجه تبهج القلب زي كده، سبحان الله سبحان الله، يعني أنا مش عارفه اوصف احساسي، كمية انبهار وفرحة لا توصف حقيقي.
- كمل باقي الأذكار بالله.
- ابتسم لعشروميت مَره بنفس البشاشة والحنيه: سر من أسرار الحوقله- لا حول ولا قوة إلا بالله العلي العظيم: هي كنزٌ عظيم لكَ من عرش الرحمٰن؛ لأنها تخرج من كرسي عرش الله، يعني شوفي العظمه كده، أى انها تخرج من تحت كرسي عرش الله، وترفع وتفرج عن المسلم تسعين أمرًا وأضعفها أو أقلها تفريج الهم أو الكرب.
كنت قاعده وحاطه ايدي على خدي ومن جوايا مبسوطه وفرحانه، قلبي سعيد، حتى السعادة كانت ظاهرة على وشي، سبحان الله سبحان الله.
- طيب خدي الأجمل.
- بنفس ابتسامتي وهدوئي: إيه.
- حسبنا الله سوف يؤتينا الله من فضله ورسوله.
- لا إله إلا الله محمد رسول، سبحان الله.
- مفيش أعظم ولا أجمل من القرب من الله عز وجل والتأمل فخلق الله، التأمل هو إنك تشوفي الحاجه تقولي سبحان الخالق أو سبحان الله، بمعنى ماتشوفيش الشمس وتقولي هي اتخلقت ازاي أو أى مخلوق لانك كده بتتدخلي فشأن مش ليكي.
