عيالي اتبرو مني _ كاملة _ بقلم هويدا زغلول
انت في الصفحة 1 من 20 صفحات
عيالي اتبرو مني _ كاملة _ بقلم هويدا زغلول
انا كوثر اكتر وحده شافت عذ@اب في حياتها مش علشان اتحبست سنه لا يمكن علشان بناتي اللي اتبروا مني ولا يمكن علشان اشتغلت في دار مسنين طلعوا المسؤولين اللي فيها بيخلصوا ع المرضي وبياخدوا أعضائهم ولايمكن علشان جوزي راح بدري ومليش أهل وفضلت مدبهدله انا حاليا عايشه مع مدام ثريا ست طيبه اوي عايزه تعمل حكايتي مسلسل بتقولي هيكسر الدنيا مش عارفه هتقدر انها تمثلوا ولا اي أصله حاجه صعبه اوي لو انا كنت زمان شوفت المسلسل ده كنت قولت اي المخرج ده جاي بيضحك بعقولنا هو معقول في كده بس للاسف كل حاجه هتتعرض في المسلسل هو شي حصل ليا فعلا وشوفوتوا بعيني والله ومش في كاميرات بتصور لا دي حقيقه تعالو انا هقول ليكم الحكايه من الاول من اول ما جوزي عادل كان عايش
عادل:،كوثر صباح الخير انا رايح الشغل
كوثر:تروح وتجي بالف سلامه
عادل:امال فين سماح وحنان
كوثر:تحت قاعدين مع ستهم
عادل:معلش يا كوثر خلصي وانزلي شوفي لو امي عايزه حاجه
كوثر:اكيد يا حبيبي طبعا روح الشغل انت
عادل:عايزه حاجه وانا جاي
كوثر:لا يا حبيبي خد بالك من نفسك ونزل عادل كانت أمه قاعده قدام البيت ست ع0قربه بتاعت مشاكل
عادل:صباح الخير يا امي
الام:صباح الخير يا حبيبي تعالي افطر
عادل:متاخر علي شغلي والله
الام:والهانم مش صحتك بدري ليه
عادل:كانت بتصحيني يا امي والله بس كنت عايز انام
الأم:تمام يا حبيبي ربنا يفتح أبواب الرزق في وشك يارب،عادل باس ايديها ومشي بعد ما باس بناته
وفضلت تنادي علي كوثر
الحما:انتي يا زفته الطين انتي يا مع@فنه انزلي هنا
كوثر:نعم يا امي
الحما:مش قولت ليكي بلاش كلمه امي دي انتي ياختي بنت شوراع
كوثر:حرام عليكي يا امي ترضي حد يعمل في بنتك كده
الحما:اخرسي قطع لسانك بنتي اي اللي بتشبيها بيكي
كوثر:متشكره اوي لحضرتك
الحما:رايحه فين انا لسه بتكلم اطعلي امسحي السلم
كوثر:هخلص اللي وريا وحاضر هطلع
الحما:انا قولت تطلعي دلوقتي
كوثر:انتي ليه بتعملي فيا كده مش ذنبي ان ابويا وأمي ماتوا ومليش حد واني كنت عايشه لوحدي علشان كل شويه تقولي الكلام ده
الحما:اعمليهم عليا يابت
كوثر:ارحمني بقي لوجه الله
الحما: قصدك اي أني مفتريه
