دبحت لحماتي القطة _ كامله _ بقلم هويدا زغلول

مدحت _ ايه ده في ايه على الصبح انتي بتعملي ايه واخده هدومك كده ورايحه على فين
لقاء _ لا يا حبيبي اسمها واخدين هدومنا احنا نطلع مصيف دلوقتي وانا مش عروسه من حقها اسافر شهر عسل ولا ايه
مدحت _ اسمعي يا بنت الناس انا راجل هنا وكلمتي اللي هتمشي المفروض لما تكوني عايزه حاجه تقولي لي وبعدها هكرر ان كنا هنعمل كده ولا لا

لقاء _ هو في ايه يا مدحت انت بتكلمني كده ليه اللي يشوفك كده يقول ان انت متجوزني غصب عنك
مدحت _ مش متجوزك غصب عني ولا حاجه بس اللي انا عايزه اعرفه ليكي ان انتي لازم تسمعي كلامي في كل حاجه وكمان البيت ده
ليه راجل واحد بس اللي هو انا
لقاء _ طيب ماشي اديني بستاذنك اهو هينفع نطلع مصيف ولا ايه
مدحت _ لا مش هينفع وبعدها قام
وطلع عندي
فوزيه _ اي ده فيه معقول جد يسيب عروسته
ويطلع عندي يوم الصباحيه
مدحت _ الهانم بتتصرف من دماغها وبعدين
قالي
فوزيه _ عروسه وبتدلع علي عريسها يا حبيبي
بالله عليك تنزل تصالحها بلاش تنكد عليها
مدحت _ ماما انا كده مش هعرف امشيها
ولا احكم عليها
فوزيه _ حبيبي ارجوك تنزل تراضي مراتك مينفعش تعمل كده وفعلا نزل وسافرو
اسبوعين ويوم ما رجع كنت أنا في شقتهم
ودخلت لقاء
لقاء _ اي ده انتي بتعملي اي هنا
ودخلتي الشقه ازاي 

الحما _ حمد لله على السلامه يا حبيبتي بالمفتاح ما هو مدحت سايبلي مفتاح واتصل بيا النهارده الصبح وقالي انكم جايين قولت انزل اروق الشقه وافتحها كده تهوي شويه
لقاء _ مدحت اه مدحت ماشي يا حماتي
الحما _ هو في ايه هو انتي متضايقه ان انا قعدت في الشقه ولا ايه على فكره انا كنت بروقلك شقتك وما دخلتش اوضتك اساسا يا دوبك دخلت المطبخ عملت الاكل وخرجت وروقت الصاله
وطلع مدحت ابني
مدحت _ ازيك يا ماما عامله ايه والله ما تعرفيش انتي وحشتيني ازاي
لقاء _ طيب كويس انا داخله اغير هدومي
وبعدها دخلت
فوزيه _ عامل ايه يا حبيبي طمني عليك سعيد في جوازتك يا قلبي ولا ايه
مدحت _ بصراحه لا يا ماما مش عارف احبها خالص بس انا عملت اللي يرضيكي
فوزيه _ حاولت احب مراتك هي طيبه وغلبانه عصبيه شويه بس كويسه
مدحت _ المهم يا حبيبتي انا هبعت اجيب اكل من بره ولازم نتغدى سوا النهارده
فوزيه _ حبيبي الاكل كله في المطبخ انا عملتلك الاكل انت ومراتك وسامحني بقى هطلع شقتي هتغدى النهارده وبكره اعمل حسابك ان احنا نتغدى سوا
مدحت _ معقوله تطلعي فوق لوحدك طيب ما تقعدي تتغدي معانا وبعد كده
ابقي اطلعي
فوزيه _ سيبني على راحتي يا مدحت انت عارف ان انا ما باخدش راحتي ولا في شقتي يلا حبيبي وخشي لمراتك يلا وبعدها طلعت وهو
دخل الاوضه
مدحت _ هو في ايه بالظبط مالك ايه اللي حصل ده ازاي بتبقى ماما واقفه معانا وانتي تدخلي الاوضه
لقاء _ اسمعني يا مدحت انا بدات اتخانق خلاص انت على طول مامتك عندك رقم واحد اولا انت تدي مامتك مفتاح الشقه بتاعنا
مدحت _ عادي يعني علشان خاطر لو حد فينا النسخه بتاعته تقعد تبقى النسخه موجوده وبعدين هي كانت بتعمل هي يعني كانت بتروقلك الشقه
لقاء _انا عارفه ان مهما اتكلم هطلع انا الغلطانه انا داخله اخد شاور وبعدها دخلت وتاني يوم
خبط وفتح مدحت
مدحت _ ماما تعالي ادخلي يا حبيبتي
الام _ معلش يا حبيبي اصل انا كنت جايه بس خالتك طلعت فوق هطلع اشوفها خد الفراخ دي انا عملت فراخ مشويه علشان خاطر مراتك متقفش في المطبخ النهارده
مدحت _ طيب ما تجيبي خالتي وتيجي تتغدي معانا انتي وهي