عريس الهنا _ كامله _ بقلم هويدا زغلول

مدحت _ مالك قاعده كده ليه اكيد مش مستنياني يعني

اسماء _ انا جالي رساله ان انت سحبت مبلغ كبير النهارده من الفيزا ممكن اعرف كنت ساحبه ليه

مدحت _هو انا مش فاهم حاجه هو انتي مخليه الرسائل بتاعه البنك يجيلك انتي طيب ليه هي مش المفروض ان هي فلوسي ولا ايه

اسماء _ فلوسك منين ان شاء الله من عزبه بابا الفلوس دي كلها فلوسي انا ولا ناسي يا استاذ

مدحت _ بطلي بقى تتكلمي معايا بالطريقه اللي انتي عماله تتكلمي بيها دي ده انتي لو بتتكلمي مع واحد شغال عندك هتكلمي ب اسلوب 
محترم اكتر من كده

اسماء _ ما كنتش شغال عندنا هو انت صدقت نفسك ولا ايه هو عشان خلاص اتجوزتني افتكرت نفسك بني ادم انت لسه زي ما انت على فكره

مدحت _ طيب لما انت زهقانه مني قوي كده ما انت تنزلي عن المؤخر ونطلق وكل واحد يروح لحاله

اسماء _ قريب قوي ما تستعجلش الكلام ده هيحصل وبعدها دخل اوضه بنته وخرج بيها وقال

مدحت _ البنت جسمها متلج  ليه كده هو ايه اللي حصلها بالظبط انت اخر مره اكلتيها امتى

اسماء _ هيكون مالها يعني هي طول النهار نايمه فقلت عشان كانت سهرانه بالليل وريني كده البنت

مدحت _ اوريكي ايه ده انا هوديكي في داهيه ولا وبنتي دي حصلها حاجه وراح بيها 
المستشفي

الدكتور _ البقاء لله البنت المتوفيه بقى لها ساعه هو انتو مكنتوش تعرفها ولا ايه

اسماء _ بنتي ارجوك يا دكتور متقولش كده لااا

وبعدها عملوا العزا في فيلا باباها ودخل 
سامح عند اسماء

سامح _ البقاء لله يا مدام اسماء اوعي تفتكري كده ان انت هتكوني ارتحتي لا ده لسه التقيل جاي ورا

اسماء _ هدفعلك الفلوس اللي انت عايزها بس ارجوك تمشي من هنا ومش عايزه تشوف وشك ثاني

سامح _ دلوقتي ما بقاش ينفع مش بعد انت مراحت هسكت لا ده انا لازم اجيب ليها حقها والراجل اللي بره اللي فاكر نفسه اني زعلان على بنته ده لازم يعرف بالحقيقه وكلها

اسماء _ انت كل اللي يهمك الفلوس وبس امشي من هنا وهدفعلك الفلوس اللي انت عايزها وبعدها مشي

وبعد العزا جاي مدحت يقعد الشرقاوي 
ابو اسماء قال ليه

الشرقاوي _ اظن انت لازم تروح ترتاح شويه انت طول النهار كنت في الشغل وبعدها حصل اللي حصل

مدحت _ ماشي ما فيش مشكله يلا بينا يا اسماء ولا ايه

الشرقاوي _ يلا بينا على فين هو انت ما بتشوفش ولا ايه زعلان على بنتها سيبها معانا النهارده

مدحت _ اللي يريحك يا عمي وبعدها مشي

اسماء _ انا طالعه انام شويه مش عايز حد يصحيني بكره سيبوني وقت ما انا ما اصحى

الشرقاوي _ اترزعي مكانك ما فيش طلوع فوق ممكن افهم ايه اللي انتي عملتيه ده

الام _ الطريقه اللي بتكلم بيها بنتك دي من امتى وانت بتكلمها كده اه اكيد مدحت سخنك عليها مش