سكريبت " بقلم ريم خالد "

سكريبت " بقلم ريم خالد "

" إن كان للحبيب حبيب تاني..أنشغل قلبه بحبيب غيري...نسي كلامه الأولاني.. كان أهون عليا لو كان قالي.."

_ هتحضرى الخطوبة..؟

"رفعت عيني اللي ورمت من العياط وأنا بقولها.."

_شايفه حالتي تسمح..!

" قربت ماما قعدت جنبي وهي بتقولي.."

_ كفياكِ وجع قلب يابنتي وأنسي..

" عيطت بتعب وأنا بقولها.."

_ أنسىٰ أي أنسىٰ حبيبي، طب ليه القلب دق لما هو مش من نصيبي ليه..؟

" خدتني في حضنها وهي بتقولي بحنيه.."

_ لو كان القلب في أيدينا مكنش حد أختار يحب اللي يوجع قلبه، أنتي جربتي مرار الحب وهتجربي حلاوته برده بس الصبر..!

رديت بوجع_ مش عايزه أجرب حلاوته غير معاه..

ردت بحزن _ مبقاش ينفع بلاها وجع قلب بقا..

" سكت لثواني وأنا في حضنها وبعدها أتنهدت بتعب وأنا بقولها.."

_ عايزه أنزل أتمشي شويه محتاجه أشم هوا..!

رد بلهفه _ هاجي معاكي..

" مسكت أيديها قبل ما تقوم وأنا بقولها.."

_ سيبني أفوق نفسي أنا هعرف أعالجها بس محتاجه أبقي لوحدي..

" حاوطت وشي بكفوفها وهي بتقولي.."

_ أنا خايفه عليكي..!

رديت بهدوء _ هبقي كويسه..

" سيبتها وقومت ناحيه دولابي طلعت فستان بقالي فتره مش بلبسه عشان مكنش بيعجبه، لبسته ولفيت طرحتي وحطيت حاجه تداري عيني الوارمه من العياط ونزلت، حطيت الهاند فري في وداني وأنا تايهه في الشوارع وكلمات الاغنيه بتتردد في وداني..

" إن كان للحبيب حبيب تاني..أنشغل قلبه بحبيب غيري.."

" فضلت ماشيه أدخل شارع وأطلع من شارع لحد ما لقيت نفسي قدام قاعه خطوبته نزلت دموعي وأنا بدخل وقفت علي باب القاعه كانوا بيلبسوا الدبل والفرحه بتلمع في عينيهم، وأنا مستخبيه بين الناس وببص عليهم بهدوء، لحد ما لقيت أيد حد بتتحط عليا.."

_ هوني علي قلبك..!

" أول ما لفيت كان جدو واقف وبيبصلي بحزن، مردتش علي كلمته وأنا ببصله لحد ما مسك أيدي وهو بيخرج من المكان وأنا في أيده، فضلنا ماشيين لحد ما بعدنا رفع عينيه ليا وأحنا بنتمشي وقالي.."

_ يعز عليا أشوف دموعك ومش عارف أوقفها..

" ضغطت علي أيده وأنا بقوله بحزن.."

_ هون علي نفسك يا جدو..

"وصلنا لمكان قدام البحر وقريب من القاعه وقعدنا وأنا ماسكه في أيده زي العيلة الصغيره، لقيت أيده التانيه بتريح رأسي علي كتفه وهو بيقولي.."