سكريبت " بقلم ريم خالد "

_ أشكيلي من عُمر ي ريم..

" أول ما سمعت كلمته عيطت..عيطت بطريقه غريبه بعد ما كنت هديت، كان دائما بيقولها لما أنا وعُمر نتخانق بسبب لعبه أو بسبب فستان مش راضي يخليني ألبسه، بس المره دي هقوله أي أني بعيط عشان عُمر بيخطب طب أققولها ازاي..! "

_ عُمر مبقاش لريم وريم مش هتبقي لعُمر..

" قولتلها بين شهقات عياطي، لحد ما هو باس أيدي وهو بيقولي بحنيته المعتاده.."

_ سيبيه يجرب وهيرجع، هو موهوم وحابب يعيش في الوهم دا..

رديت بعياط_ طب ليه..؟

أبتسم وهو بيقولي _ عُمر عنيد وبيحب يجرب ويغامر كتير بس ميعرفش أن في كتير من المغامرات مينفعش نخوضها عشان منظلمش ولا نتظلم بس هو لسه مش فاهم..

رديت بنبره مهزومه_ وأعمل أي أنا في وجع قلبي..!

رد عليا بهدوء_ تهوني علي نفسك، لحد ما يجيلك اللي يعافيكِ منه سواء عُمر ولا غيره، جربي في مره متفكريش في اللي مختاركيش هتريحي قلبك ونفسك من المجهود دا..

رديت بتعب_ ياريته بأيدي والله ياريته..

_ هيبقي بأيدك وأيدي معاكي ولو محدش عارف يعافيكِ جدك موجود ومش حابب غير أنه يشوفك كويسه..

" اتنهدت وأنا بغمض عيني ورأسي علي كتفه، فضلنا شويه تقريبًا محستش بنفسي ونمت وصحيت علي رنه تلفون جدو، بعدت رأسي عن كتفه وأنا بفوق.."

_ أيوه يا حياه ريم معايا..

" بصلي وأبتسم وكمل كلامه.."

_ لا هي كويسه وهتبقي كويسه أكتر..

" بادلته الأبتسامه بحُب وهو بيقولها.."

_ لا خليكي أنتي هي مش عيزاكي هي عيزاني أنا مش كدا..؟

" هزيت رأسي بتعب وأنا بقوله.."

_ أكيد..

" سمعت تيته وهي بتعاتبه بهزار وهو رد عليها بحُب."

_ سيبك منها هي مش عيزاكِ انا عايزك..

" ضحكت بهدوء لما سمعت جملته وهو غمزلي بتحذير ضحكت أكتر لحد ما قفل معاها وهو بيقولي.."

_ مبتعرفيش تستري علي حد خالص كدا..!

" وقفت ضحك وسندت علي كتفه من تاني وأنا بقوله بأمتنان.."

_ شكرًا أنك موجود يا جدو..

_ جدو موجود في أي وقت دا أنتي بنت الغالي..

" طبطب علي خدي وهو بيكمل كلامه.."