رواية بائعة الكشرى كاملة (جميع فصول الرواية) بقلم أميرة محمد

في المستشفى
ليث: يلا يا ساره قومي كفايه كده
الممرضه: ممكن تتفضل بره كفايه الدكتور قال ممنوع حد يبقي معاها غير مده محدوده
ليث كان هيقول بس لقي ساره مسكت ايدو
ساره: ل ليث

ليث جري عليها: ساره ساره انتي بتتكلمي اخيرا (وبص للممرضه ) هاتي الدكتور بسرعه
الممرضه: حاضر
الدكتور: الحمدلله يا ليث بيه دي كانت بين الحيا والمoت بس ربنا نجاها وهي دلوقتي كمان ساعتين وتفوق وتقدر تروح

ليث: تمام يا دكتور شكرا ليك
الدكتور: مفيش شكر ده واجبي
~ بعد ساعتين
ليث: ساره يلا يلا نروح
ساره: انا هروح بس مش معاك
ليث: يعني ايه
ساره: يعني انا مش هرجع الشغل خلاص
ليث: لأ ده انتي اتجننتي عالاخر
ساره: ايوه اتجننت انا مش هرجع للمكان الى كنت هموت فيه طالما مش مرغوب فيا يبقي اي لازمتي
ليث: ساره بطلي جنان وهترجعي يعني هترجعي
ساره: لو عايزني ابقي مرتاحه خليني ارجع مكاني الى كنت في ولو ممكن انك تخلي اياد وزياد يجو عندي كل يوم جمعه هبقي مشكوره ليك اوي
ليث: ساره..

ساره: ارجوك انا كده مرتاحه
ليث: طيب براحتك بس علي شرط
ساره: انا عايزه ارجع مكاني هتتشرط عليا
ليث: خلي لسانك يهدي شويه وسيبيني اكمل
ساره: ها

ليث: انا موافق ان اخلي زياد واياد يجولك كل يوم جمعه شرطي ان تجي الڤله تشتغلى شغلك كداده يوم الاثنين
ساره: بس
ليث: لو مش عايزه براحتك بس مش هتشوفي اياد ولا زياد
ساره: طيب موافقه
ليث: طب يلا النهارده الاتنين يلا تعالى نروح الڤله
ساره: النهارده؟
ليث: ايوه اومال انا قلت الاتنين ليه
ساره:استغلالى حقير
ليث: بتقولى حاجه
ساره: لا بقولش استغفر الله العظيم يارب
ليث: ربنا يقوي ايمانك
•••••••••••••••••••••••••••••••••

احلام: مصيبه يا نسرين مصييبه
نسرين: في اي يا خالتو متبوظيش مزاجي
احلام بغيظ وحقد: مزاج اي دلوقتي خلاص ليث راح منك
نسرين: ليث… مالو
احلام: الخدم بيقولو انو راجع النهارده هو والزفته ساره وقال اي بيقول للخدم ظبطو ليها اوضه جمب اوضه اياد وزياد

نسرين: بتهزري ازاى ازاى
احلام: لازم ننزل ونشوف اي الى هيحصل
•••••••••••••••••••••••••••••••••
ليث: سريه سريه
سريه: نعم يا ليث بيه
ليث: جهزتي الاوضه
سريه: ايوه جاهزه
ليث: طيب خدي ساره خليها ترتاح
سريه: حاضر
نسرين بعد ما نزلت: الحمدلله انك بخير يا ساره مش تاخدي بالك
ساره: معلش غلطه مش هتتكرر ان شاء الله متخافيش عليا انتي بس
احلام بغيظ: الحمدلله رجعتيلنا تاني بالسلامه
ساره ببرود: الله يسلمك

~ اخدتها سريه عند اوضه اياد وزياد
اياد جري عليها وحضنها
اياد ببراءه: وحشتيني اوي يا ماما
ساره: ماما؟
اياد: ايوه انتي ماما وليث بابا
ساره: انا بحبكم اوي والله ربنا يخليكم ليا