رواية الرهان (كامله جميع الفصول) بقلم اية عبد السلام
طبعًا مستغربين إن ال بيساعدها محمد اخوها
*فلاش باك*
(محمد دخل مع مامته وطمنها ونامت طلع قعد برا وزعل جدا علي أخته وانها لواحدها ومش لاقيه حد يساعدها وخصوصا ان كنا متاخرين جدًا بالليل فتح التليفون واتصل علي الرقم ال رنت منه ليان وال رد صاحب السنترال
محمد: ايوا يا ليان قوليلي مكانك فين فورًا وانا هجيلك
صاحب السنترال: السلام عليكم
محمد: وعليكم السلام معلش كان فيه بنت كلمتني من الرقم ده لو جنبك أو قريبه منك ممكن تديها التليفون تكلمتي او تقولي مكانها
صاحب السنترال: ايوا يابني هي كلمتك من عندي وهي مشيت
محمد: مشيت ازاي وفي الوقت ده انا غبي غبي كان لازم اروحلها
صاحب السنترال: اهدي يابني البنت مكنش معاها فلوس ولما كلمتك الظاهر انك زعقت معاها وكدا وبصراحه البنت صعبت عليه وادتلها شقه وطلعت
محمد:طيب معلش ممكن تديها التليفون عاوز اكلمها ضروري
صاحب السنترال: حاضر يابني انا مروح دلوقتي هخلي المدام تديها تليفون تكلمك حاضر
محمد: متشكر جدا يا راجل يا طيب وفعلا كلم ليان
ليان: بلهفه أيوا يا محمد كنت متاكده انك مش هتسبني ابدا
محمد: بجمود مش وقته الكلام ده قوليلي اي ال حصل بالظبط
ليان: حاضر حاضر وحكتله علي كل حاجه بس انا لازم انتقم يا محمد لازم مش هسيبه لازم انتقم منه دا انا سيبت الكل عشانه هتقف جنبي صح
