رواية بالحلال نلتقي كاملة بقلم آيات عبدالرحمن
بتدخل ريموندا ومش بتسلم على حد وبتاخد كوب العصير اللي والدتها حطيت فيه الس"م ولسه هتشرب منه سعاد بتمسك ايديها
ريموندا:في ايه يا مامي الجو حار جدا سيبينى
سعاد:دا عصير الضيوف
ريموندا:فدوى تعمل ليهم غيره
ولسه بترفع سعاد سحبت الكوب بكل قوه وحذفته علي الارض
الكل وقف مصدوم ومن هنا سعاد عيونها بتتقابل مع الشخص اللي مع عدى
الشخص ده بيقف ويتأمل ملامحها اللي الصدمه غطيتهم
انتى مين لا انتى هى نفس الوش والملامح انتى سعاد مرات رأفت الحسنين صوح
محمد بيبص لسعاد اللي واقفه فاقده النطق تمامًا ومابتتكلمش خالص
محمد:اسمها سعاد هانم حرم محمد القسطاوى مش حرم رأفت الحسنين
منصور:ايوه ايوه ماانى واخد بالي يعنى اتطلق"تى من رأفت عشان تتجوزيه
اباي عليكى حر"مه ماتعرف شي عن الحياء
محمد:اسمع ياراجل انت انت في قصرى يعنى تدخل تحترم أسياده ياتخرج منه
منصور:لا وعلي ايه اخرج منه احسن انا صعيدي وافهم في الأصول بردك أمانتك وصلت ليك لحد عندك وخلي بالك هو مايعرفش غير عوايد الصعايده يعنى راجل يعنى دمه حر مفيش حرمه وبيبص لريموندا بقرر*رف تقدر تلف عليه
ايوه اتذكرت شي هى دى بتك صوح بت رأفت
ريموندا بتبص لوالدتها مستنيه منها الرد
منصور:عارفه يابت رأفت اللي واقف قدامك ده يبقي مين
ريموندا بتبص لعدى بعدم فهم:مش واخده بالي عدم اللا مؤاخذه
منصور:ده خطيبك من وانتى بنت سبع ايام
عدى بيبص لجده:انا كنت خاطب دى اللي مابتستحى علي د"مها دى دى مسكت بنت قدام الناس وقطعتها ومفيش حد قدر يتحدث معاها
منصور:كان زمان ياولدى دى لو امها ماهربتش بيها كان فاتها مرتك دلوك
انا همشي بقي وانتى عارف مكانى منين ماتحتاجني دارى مفتوحه ليك
عدى باس ايد جده بكل احترام:عنيا ياجدى
ملحوظه سريعه كده
ازاى ريموندا ماظهرش منها اى رد فعل لما سمعت الكلام ده
سعاد كانت معرفاها الحقيقه عشان كده كان الموضوع عادى بالنسبه ليها
منصور بيمشي من القصر
محمد:ايه ياعدى مش هتسلم علي بابا
عدى:ودى تاجى بردوا كيفك يابوى
محمد:احنا مش قولنا بلاش كلام صعيدى لما اكون معاك
عدى:مااقدرش ياابوى دى عادات بتجرى في د"مى امريكا ماقدرتش تنسينى الصعيد وعاداتها وتقاليدها وناسها
محمد:عارف خالك كلمنى وحكالي عنك كتير اوى وكمان قال لي ان انت ميكس ساعه صعيدي وساعه امريكى
عدى:واه واه بقي كده ياخال تكشف سر ابن اختك لما اشوفك تانى
محمد:هههههههه طب يلا يابطل اعرفك
دى اسمها ماما سعاد اللي كلمتك عنها ودى ريموندا اختك اللي حكيت ليك عنها
ريموندا كانت بتبص لعدى بنظره مش مفهومه كإنها غيرانه منه وبتقول ليه بعيونها دا اللي ربانى ماتاخدوش منى انا محتاجه لوجوده سند ليا استقوى بيه علي الزمن كانت عيونها علي وشك البكاء محمد لاحظ كده
فطلب من عدى يطلع فوق ياخد شاور ويرتاح شويه
ملحوظتين منصور عم والدة عدى والدة عدى ومحمد انفصلوا وعدى طفل رضيع والدته اخدته لان كان محتاج رعايه واهتمام ومحمد كانت كل حياته سفر
والدة عدى اتوفيت وعدى عنده سنتين وجده اتكفل بيه اللي هو والد مامته واتوفي بعد تخرج عدى من الكليه وكتب ليه كل املاكه
بس منصور مايعرفش بالكلام ده
العصير مفيش حد شربه سعاد اخدته واتخلصت منه
نكمل
