سكريبت " أدهم " بقلم " أميرة الكومي "

سكريبت “ أدهم ” بقلم " أميرة الكومي "

_ أنت مين وبتعمل ايه في بيتي ؟

= أنا..... أنا.....

"لقيت الطفل عندة حوالي ١٠ سنين، هدومه كانت مقطعه ووشه كان وارم جدا بيبص في الساعه وبيقول خلاص المفروض امشي دلوقتي وهرجع تاني وفي لحظة ملقتهوش قدامي وفجأة طلع يجري برا البيت "

"طلعت بسرعه وراه وأشوف بس ملقتش حد برا فقفلت الباب كويس ودخلت الاوضة بحاول استوعب وقلت اكيد من تعب الشغل بيتهيألي حاجات هناك بس شوية واصحي هبقي تمام "

بعد يومين:

"قاعدة علي المكتب يجهز أوراق القضية الجديدة وجلستها كمان شهر "

= مش قلتلك هرجع تاني

_ بسم الله الرحمن الرحيم !!! ايه دا انت كنت بجد ! يعني مكنتش بيتهيألي... ازاي دخلت ؟ وعايز ايه ؟ ثانيه كدا ازاي ملقتكش المرة اللي فاتت لما طلعت اشوفك ؟

= أولا كدا اسمي أدهم بس قدامي نصف ساعه فمش هضيعها في كلام من دا بعدين هعرفك كل حاجه تعالي بس معايا

" مكنتش مستوعبه حاجه خالص ولقيت نفسي تلقائي ماشية معاه، خرجنا ورحنا علي البحر "

_ انت جايبني هنا ليه ؟ اوعي تكون عروسة البحر ومتخفيه في هيئة طفل لا لا لا أنا "مني" يعني بص الذكاء كله

= اتنيلي وانتِ عايشة في زمن الابيض والاسود كدا، أنا مش عروسة البحر أنا انا اللي اتظلم زمان ومحدش دور علي اللي ظلمه

_مش فاهمه حاجه